Unha vez terminada a primeira volta é hora de facer balance da competición dando datos obxectivos e valoracións que aínda sendo subxectivas son realizadas desde unha análise exhaustiva.

A nivel xeral, o Barbadás é o líder indiscutible e ten practicamente unha praza asegurada na Fase de Ascenso na que estarán os catro primeiros clasificados, sen contar ao Ourense B, Ponte Ourense B e Pabellón C, que ao ter equipo na Liga Galega non poden ascender de categoría. Os números deste equipo asustan, 55 goles a favor e 9 en contra, conseguidos en 9 partidos (8 vitorias e 1 derrota). O equipo está sendo moi superior ao resto e conta nas súas filas cunha gran maioría de xogadores de primeiro ano o que fai máis importante o traballo que están realizando. Tamén é certo que tanto eles como Ponte e Ourense veñen de xogar na Liga Galega infantil o que lles dá un plus de intensidade que os demais non teñen de momento . O segundo clasificado é o Chantada outro dos firmes candidatos a xogar a promoción.

De aí ata o oitavo posto todos os equipos ten posibilidades de meterse nos postos de privilexio quedando fora deste grupo o Celanova, que ou moito cambia ou ten unha praza asignada para o descenso de categoría.

En resumo é unha categoría moi igualada. En cada xornada pódense producir calquera resultado que altere os postos clasificatorios dos equipos.

En relación co noso equipo podemos sinalar varias causas que motivaron o baixo rendemento en canto a resultados nesta primeira volta.

En primeiro lugar a planificación do equipo non foi a correcta. Comezamos a pre-tempada cun número excesivo de xogadores para un equipo (22) e a necesidade de conseguir uns cantos xogadores máis que fixesen posible o obxectivo marcado a tempada anterior de ter dous equipos na categoría cadete.

Segundo ía pasando o tempo iamos vendo máis complicado cumprir a nosa primeira intención polo que houbo que recorrer a outros plans. Todo iso atrasou a preparación que unido ao litixio que tivemos co Ribadavia Atl. polo uso do campo de herba do Xestal fíxonos perder moito tempo, o cal estamos intentando recuperar.

A disputa fixo que xogásemos o primeiro partido sen adestrar nin un só día no Xestal de herba, así como cambiar a orde dos partido para evitar, no posible, enfrontamentos.
Unha vez solucionado o problema o equipo retornou a unha dinámica de traballo normal e está máis centrado o que nos permite ter esperanzas de que o equipo aumente o seu rendemento e poida cumprir os obxetivos marcados.

Unha análise dos números do equipo nesta primeira volta indícanos unha mellora no aspecto defensivo segundo foi avanzando a competición en detrimento do aspecto ofensivo. Indicar que nesta primeira volta o equipo xogou 3 partidos en casa, conseguindo 6 puntos (só se perdeu co líder, o Barbadás) e 6 partidos fóra, sumando 5 puntos(1 vitoria, 2 empates e 3 derrotas).
Aínda que sexa un tópico considero que durante o desenvolvemento dalgúns partidos non tivemos sorte, perdendo puntos importantes no último minuto dos encontros(Ourense e Verín).