O pasado domingo tivo lugar o pecha da tempada na 2ª Rexional nun partido de rivalidade ante o Leiro. Os nosos conseguen a mellor clasificación da historia, o 5º posto.

Ao equipo faltoulle a regularidade necesaria para estar loitando por un ascenso, o cal debemos conseguir na tempada que vén.

O partido ante o Leiro tivo tres partes diferenciadas. Na primeira o Leiro controlou o encontro pero desperdiciou dúas claras ocasións de gol, algo que non fixeron os nosos, xa que aproveitamos a única ocasión de gol para irnos ao descanso con vantaxe. Na segunda parte os nosos marcaron tres novos goles que sentenciaban o partido aínda que o Leiro, aproveitando a relaxación do noso equipo achegouse no marcador para deixalo nun 4-3 que certificaba ese 5º posto.

O club xa está traballando na tempada que vén que estamos seguro virá cargada de ilusión.

Destacar a presenza do novo patrocinador do equipo Arturo Sendín, que sen dúbida trouxo sorte aos nosos.

Ribeiro F.C. 5º clasificado da 2ª Autonómica